Drie Soorte Plaatkoekies

Drie Soorte Plaatkoekies

LEWER 32 PLAATKOEKIES

BASIESE RESEP:
500 ml (2 k) bruismeel (of 500ml koekmeel en 15ml bakpoeier)
3 eiers, geklits
275 ml (1¼ k) karringmelk
sout en vars gemaalde peper
olie vir panbraai

VARIASIES: (voeg by basiese mengsel bo)

Tuna en pitmielies...
1 blik (170 g) tuna, gedreineer
1 blik (410 g) pitmielies, gedreineer
2 stingeluie, fyn gekap

Spinasie en spek...
500 ml (2 k) fyn gekapte spinasie
125 g spek, gebraai en fyn gekap

Botterskorsie en feta...
500 ml (2 k) gerasperde botterskorsie
2 wiele (200 g) fetakaas, gekrummel
’n knippie komyn

Basiese resep:
1. Meng die basiese bestanddele vir die plaatkoekies goed.
2. Variasies: Besluit op ’n variasie.
3. Roer die variasiebestanddele deur die beslag en geur met die sout en peper.
4. Laat staan sowat 10 minute.
5. Verhit ’n bietjie olie en braai lepels vol van die mengsel oor matige hitte tot gaar en goudbruin aan albei kante.

- Huisgenoot Digitaal