Gestopte Rissies (Chilli Poppers)

Gestopte rissies (Chilli Poppers)

(Genoeg vir 12 happies)

Bestanddele

• 12 groot jalapeño-rissies

• 100 ml roomkaas

• 100 ml fetakaas

• koekmeel

• olie vir diepbraai

• lemmetjiewiggies vir voorsit

Beslag:

• 200 ml bruismeel

• 125 ml mielieblom

• sout en peper

• sowat 190 ml yswater

• 5 ml suiker

Metode

1 Voorverhit die oondrooster en rooster die rissies droog,

baie na aan die element, tot die skil swart is.

Draai die rissies van tyd tot tyd sodat hulle oraloor

verkleur. Haal uit die oond en sit die rissies in ’n

plastieksakkie dat hulle vir ’n paar minute sweet;

dit help dat die skil makliker loskom.

2 Laat die rissies afkoel tot hanteerbaar en trek

dan die skil af. Maak ’n klein insnyding in die

lengte van elkeen en verwyder die pitte versigtig.

Meng die twee kase in ’n bakkie en stop elke

rissie met ’n lepel vol van die kaasmengsel. Jy

kan die openinge met ’n peuselstokkie toeryg

as jy wil, maar dis nie nodig nie – solank jy net

versigtig werk.

3 Rol die gestopte rissies in meel, skud goed

af en hou dit eenkant. Meng intussen die

deegbestanddele tot net gemeng. Dit maak

nie saak as daar nog klonte in is nie.

4 Verhit die olie in ’n klein kastrol of in ’n

diepbraaier as jy een het. Doop die meelbedekte

rissies een-een in die deeg en braai dit dadelik

in die warm olie. Braai net ’n paar op ’n slag.

Skep die rissies met ’n gaatjieslepel uit en laat dit

eenkant op kombuispapier dreineer. Herhaal met

al die rissies. Sit dit dadelik voor as voorgereg, met

of sonder ’n doopsous, en lemmetjiewiggies.

Variasies:

Vervang die feta in die vulsel met

mozzarella of sagte bokmelkkaas en

pietersielie. Kapokaartappels wat met

suurroom gegeur is, en selfs ’n dik

witsous met stukkies hoender en kaas

in, is ook lekker. ’n Vulsel met ’n sagte

kaas wat nie ’n te skerp geur het nie,

sodat dit die rissie se byt kan teëwerk, is die beste.