LASAGNE MET 'n "TWIST"
Bestanddele
1/4 koppie visolie (of olie van jou keuse)
500 g mince
2 eetl knoffel
1 medium ui
2 medium tamaties
1/2 bossie spinasie, gesny en op stoof gebraai
1/2 koppie gekrummelde fetakaas
1 koppie gerasperde cheddarkaas
1 koppie bacon, gesny
1 koppie sampioene, gesny
3 koppies melk
1 koppie margarien, 1/2 van 500 g blok
1 pakkie Maggi Four Cheeses Sauce poeier
3/4 koppie meel
1 eetl gedroogde, gemengde kruie
500 g tagliatelle pasta, 250 g groen en 250 g wit
1 pakkie Maggi Tamatiesop
Metode
Kaassous: Smelt die margarien in 'n pot op die stoof en voeg
dan die Maggi Four Cheeses Sauce poeier en meel by.
Roer goed saam. Voeg dan die melk egalig by en roer aanhoudend
tot die melk deurgeroer is en 'n dikkerige, gladde sous vorm.
Verwyder dan van die stoof af vir latere gebruik.
Tagliatelle pasta: Kook die pasta in kookwater met 'n bietjie visolie
tot gaar. Dreineer die water en spoel af met koue water. Laat
eenkant vir latere gebruik.
Mince: Verhit die visolie in 'n pot en braai die gekapte bacon,
sampioene, knoffel, ui en tamatie. Roer dan die mince in en
laat braai vir 20 minute tot dit ligbruin van kleur is. Gooi dan
die Maggi Tamatiesop en gedroogde gemengde kruie in en
meng deeglik. Prut vir 'n verdere 10 minute. Indien nodig,
voeg 'n koppie water by. Meng die helfte van die gaar mince
met die groen pasta en die ander helfte met die wit pasta.
Neem 'n oondbak en smeer 'n gedeelte van die voorbereide
kaassous op die bodem van die bak en gooi dan die mince
met die groen pasta in die oondbak. Deel die spinasie, feta en
cheddarkaas in drie en voeg een laag daarvan oor.
Gooi dan weer 'n laag kaassous bo-oor. Vat dan die mince
met die wit pasta en gooi dit bo-op. Herhaal dan die
strooi van spinasie, feta en cheddarkaas proses. Rond dan af met
oorblywende kaassous, sprinkel die oorblywende spinasie mengsel
bo-op en bak in 'n voorverhitte oond teen 180 grade Celsius vir
30 minute of tot kaas bo-op goudbruin is. Haal uit die oond
en bedien.
No comments:
Post a Comment